Փորձառական ուսումնառությանն ու մշակութային հարստացմանը նպաստելու նպատակով «Այբ» դպրոցի 12-րդ դասարանի աշակերտները ուսումնական ճամփորդության մեկնեցին Վայոց ձորի պատմական նշանակություն ունեցող Ցախացքարի եկեղեցի և Սմբատաբերդ:
10-րդ դարի Ցախացքարի եկեղեցին՝ այս ճարտարապետական գոհարը, Հայաստանի քրիստոնեական ժառանգության յուրահատուկ վկայություններից է: Աշակերտները հնարավորություն ունեցան բացահայտելու այն խճճված փորագրություններն ու ճարտարապետական մանրամասները, որոնք այս եկեղեցին դարձնում են հայ եկեղեցական պատմության իսկական հրաշք:
Ցախացքարի եկեղեցուն կից՝ ժայռոտ լեռնաշղթայի գագաթին, գտնվում է Սմբատաբերդ միջնադարյան ամրոց-միջնաբերդը: Աշակերտները ոչ միայն գրավվեցին շրջակա լեռների հիասքանչ համայնապատկերային տեսարաններով, այլև հարստացրին գիտելիքները Սմբատաբերդի պատմության և ռազմավարական նշանակության մասին:
Ուսումնական ճամփորդությունները կարևոր դեր են խաղում աշակերտների մտահորիզոնը դասագրքերից դուրս ընդլայնելու գործում՝ հնարավորություն տալով կապելու տեսական գիտելիքները իրական աշխարհի փորձառության հետ:
Կիսվել