Տարրական դպրոց

«Այբ» տարրական դպրոցը հիմնադրվել է 2013-ին։


Դպրոցի հիմնական նպատակը աշակերտի մտավոր, հոգևոր և ֆիզիկական կարողությունների, լեզվամտածողության, գրագիտության, տրամաբանության հիմքերի և աշխատանքային նախնական հմտությունների ձևավորումն է: Հմուտ մանկավարժների օգնությամբ դպրոցն ապահովում է ուսումնառության անհրաժեշտ պայմաններ և միջին դպրոցում ուսումը շարունակելու համար պահանջվող մակարդակ:

Դպրոցում ստեղծված անհրաժեշտ պայմանները(ուսումնահետազոտական ճամփորդություններ, անհատական աշակերտական նախագծեր) նպաստում են երեխայի անհատական զարգացմանը, գեղագիտական ճաշակի, ստեղծագործական մտքի, աշխարհայացքի զարգացմանը:

«Այբ» տարրական դպրոցի ուսումնական օրացույցին կարող եք ծանոթանալ այստեղ։

Ընդունելության գործընթաց

«Այբ» տարրական դպրոցի 2019-2020 ուստարվա առաջին դասարանի համար ընդունելությունը կատարվելու է 2019 թ. հունվար-ապրիլ ամիսների ընթացքում: Դպրոց կարող են դիմել միայն մինչև 2019 թ. դեկտեմբերի 31–ը 6 տարեկանը լրացած բոլոր երեխաները, ովքեր մինչ այդ չեն հաճախել որևէ այլ հանրակրթական դպրոց (անկախ սեփականության ձևից):

Աշակերտներն ընդունվում են դպրոց դիմորդների հետ հանդիպում-դասերի և ծնողների հետ զրույցների արդյունքների հիման վրա՝ տվյալ ուսումնական տարվա ընդունող հանձնաժողովի կայացրած որոշմամբ: Ընդունող հանձնաժողովի որոշումը վերջնական է, չի մեկնաբանվում և չի բողոքարկվում:

Լրացուցիչ ընդունելություն

«Այբ» տարրական դպրոցի 1-3-րդ դասարաններում հնարավոր թափուր տեղերի առաջացման դեպքում ուսումնական տավա ընթացքում՝ հունիս և դեկտեմբեր ամիսներին, կազմակերպվում է լրացուցիչ մրցութային ընդունելություն:

Եթե հետաքրքրված եք լրացուցիչ ընդունելությամբ, խնդրում ենք անցնել այս հղումով և լրացնել անհրաժեշտ տեղեկությունները: Թափուր տեղերի առկայության դեպքում գրանցված դիմորդների հետ դպրոցը կապ կհաստատի էլփոստի միջոցով՝ միաժամանակ ներկայացնելով նաև ընդունելության մանրամասները:

Քայլեր

«Այբ» դպրոց ընդունվելու համար անհրաժեշտ է հետևել մի քանի պարզ քայլի։

Քայլ 1

Գրանցվել և մասնակցել բաց դռների օրերի միջոցառումներին (տե՛ս վերևի աջ անկյունում):

Քայլ 2

Ներկայացնել ընդունելության հայտը, որը շուտով հասանելի կլինի մեր կայքում:

Քայլ 3

Մասնակցել ընդունելության 1-ին փուլին` դիմորդի հետ հանդիպում-դասերին:

Քայլ 4

Մասնակցել ընդունելության 2-րդ փուլին` դիմորդի ծնողների հետ զրույցին:

Այցելե՛ք մեզ

Հատուկ ծնողների և աշակերտների համար «Այբ» տարրական դպրոցը կազմակերպում է բաց դռների օրեր, որտեղ «Այբ»-ի թիմը ներկայացնում է դպրոցը և պատասխանում բոլոր հարցերին: Բաց դռների օրերը նախատեսված են հունվար, փետրվար և մարտ ամիսներին՝ չորեքշաբթի օրերին՝ մինչև 20 հյուրի համար: Նախատեսված է կարճ շրջայց դպրոցով, այնուհետև ուսումնական ծրագրի կարճ ներկայացում: Բաց դռներին մասնակցությունը միայն գրանցումով է (տես այս վերևի աջ կողմում):

Բաց դռների օրերի միջոցառումները հիմնականում անցկացվում են ընդունելության գործընթացին նախորդող շրջանում, սակայն կարող են կազմակերպվել նաև այլ ժամանակահատվածներում: Բաց դռների օրերի ամսաթվերը կարելի է ճշտել այս էջի աջակողմյան օրացույցում:

Բաց դռներին մասնակցությունը բոլոր դիմորդների ծնողների համար պարտադիր է։ Դիմումը ներկայացրած, սակայն բաց դռների միջոցառմանը չմասնակցած ծնողների երեխաները չեն կարող մասնակցել ընդունելությանը:

«Այբ» տարրական դպրոց

Հյուս. ճառագայթ 2
Երևան 0037, Հայաստան
Բջջ.` (+374 93) 511 456

Tweets by AybSchool