Հիմնական դպրոցն ավարտելը յուրաքանչյուր երեխայի կյանքում կարևոր փուլ է, և «Այբ» հիմնական դպրոցի 30 աշակերտների համար այս օրը հատկապես նշանակալից է դարձել: Տեղի ունեցավ նրանց ավարտական արարողությունը, որի ժամանակ հանձնվեցին դիպլոմներ, իսկ ուսուցիչներին հատուկ անակնկալ մատուցվեց։
Արարողությունն անցավ ուրախ և հուզական մթնոլորտում։ Աշակերտները բեմ բարձրացան՝ ստանալու իրենց դիպլոմները և երախտագիտություն հայտնելու ողջ ուսուցչական կազմին՝ տարիների հոգածության ու դասավանդման համար։
«Այբ» հիմնական դպրոցի շրջանավարտները հատուկ անակնկալ էին պատրաստել իրենց ուսուցիչների համար։ Արարողության ընթացքում աշակերտները հատուկ «Օսկար» հանձնեցին իրենց ուսուցիչներին՝ գնահատելով նրանց կարևոր ներդրումն իրենց կյանքում ու զարգացման գործում։ Այս յուրահատուկ մրցանակը դարձավ ճանաչման և երախտագիտության խորհրդանիշ համբերության, աջակցության և ոգեշնչման համար, որոնք ուսումնական տարվա ընթացքում ուսուցիչները տվել են յուրաքանչյուր աշակերտի։
Կիսվել