Գործունեությունն «Այբ»-ում
2015-ից առ այսօր «Այբ» դպրոցի հոգաբարձուների խորհրդի անդամ է։
Կրթություն
Սովորել է Դամասկոսի «Լայիք» (Laique) ճեմարանում: 1980-1984 թթ. ուսանել է Ուրբանա-Շամպեյնի Իլինոյսի համալսարանում, ստացել քաղաքացիական ճարտարագիտության բակալավրի աստիճան։
Մասնագիտական գործունեություն
1985 թվականից ղեկավարում է Սիրիայում ամենամեծ շինարարական ընկերություններից մեկը՝ ԼԱՅՔ-ը, որն ընտանեկան բիզնես է՝ հիմնադրված 1923 թվականին: Նաև «Փյուզանթ և Լեոն Յակուբյան Թրեյդինգ և Քոնթրաքթինգ» (Սիրիա) ընկերության գործընկերն ու գլխավոր տեխնիկական տնօրենն է:
Հայաստան տեղափոխվելուց հետո՝ 2012 թվականին, հիմնել և ղեկավարում է «Լեոն Ա. Յակուբյան Քոնթրաքթինգ» ընկերությունը, որը զբաղվում է շինարարական նախագծերի կառավարմամբ, լուսավորության ամբողջական լուծումներով (turnkey) և խելացի տրանսպորտային համակարգերով:
2015 թվականից Հայկական բարեգործական ընդհանուր միության (ՀԲԸՄ) հայաստանյան մասնաճյուղի նախագահն է: 2006 թվականից ՀԲԸՄ կենտրոնական վարչության անդամ է. ներկայացնում է Միջին Արևելքի շրջանները և մասնաճյուղերը (Սիրիա, Լիբանան, Եգիպտոս, Իրաք, Իրան և Կիպրոս) և պատասխանատու է Արևելյան Եվրոպայի ու ԱՊՀ երկրներում ՀԲԸՄ հանրայնացման համար:
2010-2014 թթ. եղել է Դամասկոսի հայ ուղղափառ եկեղեցու թեմի քաղաքական ժողովի ատենապետը:
Անդամակցում է Հայաստանի ամերիկյան համալսարանի, «Հայոց ցեղասպանության թանգարան-ինստիտուտ» հիմնադրամի, «Սիթի օֆ սմայլ» բարեգործական հիմնադրամի, Byblos Bank Armenia-ի հոգաբարձուների խորհուրդներին:
2018 թ․ ընտրվել է Հանրային խորհրդի անդամ։
Պարգևներ
Հայաստանի Հանրապետության նախագահի Երախտագիտության մեդալ՝ հայրենիք-սփյուռք կապերի ամրապնդման գործում ներդրած նշանակալի ավանդի և երկարամյա ազգանվեր գործունեության համար
Արցախի Հանրապետության նախագահի Երախտագիտության մեդալ՝ 2020 թ․ սեպտեմբերի 27-ին հակառակորդի սանձազերծած լայնածավալ ռազմական գործողությունների ընթացքում Արցախի Հանրապետությանը ցուցաբերած աջակցության համար
Կիսվել